Mataio 10:19 - Tokelauan New Testament

¹⁹ Kāfai koutou e kave e ki lātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; ka pa ki te taimi tēnā, ka fōki atu lava ki a te koutou nā kupu ke tautatala ai koutou.

Mataio 10:19 ပူးပေါင်းရင်းမြစ်များ

Mataio 10:18

Ona ko au ka kave ai koutou ki te fakamahinoga i mua o nā kōvana ma nā tupu, ke fakailoa atu ai te Tala Lelei ki a te ki lātou ma tagata nukukehe.

Mataio 6:25

“Ko te mea ia e lea atu ai au ki a te koutou, ia koutou nahe popole ki nā ola o koutou, pe ni a te ka kakai ma inu ai koutou; nahe popole foki ki nā tino o koutou, pe ni a te ka kokofu ai koutou. Auā e hē hili atu nei te tāua o te ola i lo nā meakai, ma te tino i lo nā kofu?

Mataio 6:31

“Ko te mea ia, koutou nā popole ma lea vē: ‘Ka maua nei i fea ha mātou mea ke kai? pe ko ha mātou mea ke inu? pe ni o mātou kofu?’

Mataio 6:34

Ko te mea ia, koutou nahe popole ki te aho taeao; auā ka popole lava te aho taeao ki a te ia lava. Kua lava lava nā fakafītāuli o te aho mo te aho lava tēnā.

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Luka 12:12

Auā ka fakaako atu koutou e te Agaga Paia, kāfai e pa ki te taimi tēnā, i nā kupu e tatau ke tautatala ai koutou.”

Gāluega 6:10

Kae kua tuku atu e te Agaga o te Atua ki a Hetefano te poto, ma kua hē mautali ai ki lātou ki a te ia.

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.