Mataio 10:15 - Tokelauan New Testament

¹⁵ E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 10:15 ပူးပေါင်းရင်းမြစ်များ

Mataio 12:36

“E takutino atu e au ki a te koutou, kāfai e fakamahino e te Atua ia tagata uma, ko te taimi tēnā ka tōlaulau ai e tagata nā kupu uma lele e hēki tatau ke tautatala ai ki lātou.

Mataio 5:18

Auā e takutino atu e au ki a te koutou, ka ko hēki mavae atu te lagi ma te lalolagi, e hēai he mea e tōkehea mai i te Tūlāfono, ke pa lava ki he koma pe he mataituhi — heiloga kua taunuku nā mea uma.

Mataio 7:22

Kāfai e pa mai te Aho Fakamahino, e tokalahi nā tino ka lea mai ki a te au ‘Te Aliki, Te Aliki! Ko tō igoa te na ki mātou tālakia ai te fekau a te Atua, ko tō igoa foki te na ki mātou tulia ai ki fafo nā tēmoni ma ki mātou faia ai nā vāvega e lahi.’

Maleko 6:11

Kāfai koutou e tau atu ki he kakai e hē talia ai koutou, ma mumuhu ia tagata oi fakalogo atu ki a te koutou, olo kehe ma kinā ma lūlū kehe te pefu mai outou vae. Ka fai tēnā ma fakailoga ke ki lātou iloa ai te ikuga ka pa ki lātou ki ei.”

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 6:39

Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

1 Kolinito 3:13

Ma ko te lelei o gāluega a tagata tau tokatahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau tokatahi; ko te afi te ka fuafua ai ma iloa, pe na lelei moni nā gāluega a ki tātou na fai.

1 Tehalonia 5:4

Kae ko koutou, te kau uho, e hē i loto o te pōuliuli, ma e hē tatau ai ke pa fakafuaheki atu te Aho ki a te koutou, e vē he tino kaihohoa.

Epelu 10:25

Ki tātou nahe fakavāivai oi māfuta i nā fono māhani, e vē oi fai e iētahi tino. Kae ke fakamālohi ātili tētahi ki tētahi, auā kua iloa e koutou ko te Aho o te Aliki kua tafapili lele mai.

2 Petelu 2:6

Na fakahalagia e te Atua nā kakai ko Hotoma ma Komolo ma fakaumatiagia i te afi, ma fai ki lātou ma fakatakitakiga ki te mea e pa ki ei nā tino e hē mātataku ia te ia.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

2 Petelu 3:7

Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.

1 Ioane 4:17

Ko te alofa kua kātoatoa te lelei i loto ia te ki tātou, kae ke ia te ki tātou ai te loto mautinoa i te Aho Fakamahino; ma ka mautinoa e ki tātou, auā ko to tātou ola i te lalolagi nei, e vē foki lava ko te mea na pa ki ei ia Keliho.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.