Mataio 1:19 - Tokelauan New Testament

¹⁹ Ko Iohefa he tino e ia faia pea lava te mea e hako, kae e hēki fofou ke ia fakamahiahia ia Malia i mata o tagata; na tonu ai i tona māfaufau ke fakauma munimuni te lā fakamau ke nahe iloa e he tino.

Mataio 1:19 ပူးပေါင်းရင်းမြစ်များ

Maleko 10:4

Kua tali mai ki lātou, “Na fakataga mai e Mohe ke tuhi e te tamāloa he tuhi ki tana āvaga ke fakailoa ki ei ko te lā āvaga kua tatala, ma uga ai tana āvaga ke fano.”

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 27:39

E ōtea ake, e hē matea e te kauvaka te talafātai kua i ei ki mātou, kae kua ki lātou kitea atu he faga ma he matāfaga, ma tonu ai ia te ki lātou, kāfai e mafai, ko te vaka ka fakakake i kinā.

2 Kolinito 1:15

Na mautinoa lelei lava e au te mea tēnei, ma ko te mea ia na fuafua ai e au ke fanatu muamua au ki a te koutou, kae ke fakaluaina ai te lahi o nā fakamanuiaga e maua e koutou, i toku āhiāhi atu fakalua.