Mataio 1:1 - Tokelauan New Testament

¹ Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 1:1 ပူးပေါင်းရင်းမြစ်များ

Mataio 1:18

Ko te tala tēnei ki te fānau maiga o Iehu Keliho. Ko tona mātua ko Malia, na fakamau ke nonofo ma Iohefa. Ka ko hēki nonofo ki lāua, kae kua iloa e Malia ko ia kua to i te mana o te Agaga Paia.

Mataio 1:2

Ko Apelaamo te tamana o Ihaako, ko Ihaako te tamana o Iakopo, ko Iakopo te tamana o Iuta ma ona uho,

Mataio 15:22

Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Mataio 3:16

Na uma loa te papatiho o Iehu, oi fanake loa ki luga mai te vai. I te taimi lava tēnā na māvā ai te lagi, ma na ia kitea atu te Agaga o te Atua kua fanaifo ki lalo e vē he lupe, ma tū ki ona luga;

Mataio 9:27

Kua tukua e Iehu ia kinā, ma e havavali atu kae mulimuli atu ki a te ia ni tamāloa tāuaho e toka lua. Kua kālalaga vē atu ki a Iehu, “Te Ataliki o Tavita, alofa mai ko ki a te ki māua!”

Luka 1:33

ma ka kavea ia ma tupu o nā lāpuna o Iakopo, ke pa ki te fakavavau; ma ko tona mālō, ka hē mafai ke fakauma!”

Ioane 7:42

E lea mai te tuhituhiga paia, ko te Mehia ka tupuga mai i te Tupu ko Tavita, ma ka fānau mai i Peteleema, te kakai nae nofo ai ia Tavita.”

Gāluega 2:30

Nae he pelofeta ka koi ola ai, ma na ia iloa te folafolaga a te Atua na fai e uiga ki a te ia: na fai te tautōga a te Atua ka ia faia he lāpuna o Tavita ke kavea ma tupu e vē foki lava ko Tavita.

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Loma 9:5

na tupuga mai ki lātou i nā tino Epelu takutakua, ma na tupuga mai ai foki ia Keliho. Ke vīkia te Atua tē e aoao tana pule, ke pa lava ki te hēgata. Amene.

Kalatia 3:16

Kikila, na fai e te Atua nā folafolaga ki a Apelaamo ma ki tona lāpuna. E hē leamai te tuhituhiga paia, “nā lāpuna o ia”, ko tona uiga ni tino e tokalahi, kae e leamai “tona lāpuna”, ko tona uiga he tino e fokotahi, ko tona igoa ko Keliho.

1 Timoteo 2:5

Auā e fokotahi te Atua, ma fokotahi tē e maua ai te hokotaga i te va o te Atua ma tagata, ko Keliho Iehu tēnā,

2 Timoteo 2:8

Ke manatua ko Iehu Keliho, tē na toe fakatū mai i te oti, na tupuga mai ia Tavita e vē ona akoakogia e te Tala Lelei e kō tālakia.

Fakaaliga 22:16

“Ko au ko Iehu, kua uga atu e au taku agelu ke fakamāonia nā mea iēnei ki nā Ekalehia. Ko au ko he lāpuna e o Tavita; ko au ko te fetu e huhulu pupula i te taeao.”