Maleko 9:50 - Tokelauan New Testament

⁵⁰ “Ko te māhima e lelei, kae kāfai te māhima kua uma tona kokona, e mafai vēhea nei ke toe fakakokona e koutou? “Ke ia te koutou te māhima ke tūmau ai pea te koutou fealofani ma te fīlēmū, i te va o tētahi ma tētahi.”

Maleko 9:50 ပူးပေါင်းရင်းမြစ်များ

Mataio 5:13

“Ko koutou e vē ko he māhima ki tagata uma o te lalolagi. Kae kāfai te māhima kua uma tona kokona, e mafai vēhea nei ke toe fakakokona? E hē toe aogā ki he mea kae nā ko te togi lava ki fafo ma holi i vae o tagata.

Maleko 9:34

E hēki i ei he tino e vaivaia, auā nae fīnau pe ko ai to ki lātou e pito hili ona tāua.

Maleko 9:49

“Auā ka fakamamāgia ia tagata tau tokatahi uma i te afi, e vē ona fakamamāgia te tāulaga i te māhima.

Loma 12:18

Fai uma nā mea e koutou mafaia, ke mafai ai oi maua he ōlaga fīlēmū i te va o koutou ma iētahi tino uma lele.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

Kolohe 4:6

Ko autou kupu e tatau ke lelei ma mālie i te fakalogo, ma e tatau ke mafai e koutou oi kavatu ni tali e hako ki ni fehili e fai atu e ho he tino.

1 Tehalonia 5:13

Koutou ke fakaaloalo lahi ma alolofa ki a te ki lātou, ona ko nā gāluega a ki lātou e fai. Ke maua fakatahi e koutou te fīlēmū.

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Iakopo 1:20

Auā kāfai he tino e ita, ka hē ia mafai oi fakataunuku he mea e fokotahi o nā mea e fofou te Atua ke ia faia.

1 Petelu 3:8

Ko te toe mea e lea atu ai au: ko koutou uma lele e tatau ke tutuha outou manatu ma outou lagona; alofa tētahi ki tētahi e vē ni tuagane ma ni tuafafine, ma ke agalelei ma loto maulalo tētahi ki tētahi.