Maleko 9:35 - Tokelauan New Testament

³⁵ Na nofo ifo loa ki lalo ia Iehu, ma tautapa atu ki ona hoko e toka hefululua ke hōhō ake ki a te ia, oi lea vē atu ai ki ei, “Ko te tino e fia kavea ma muamua, e tatau ke ia tukua ia ia lava ke kavea ma mulimuli, ma fai ma tāvini ki tagata uma.”

Maleko 9:35 ပူးပေါင်းရင်းမြစ်များ

Mataio 23:11

Ko te tino e hili te tāua ia te koutou, e tatau ke fai ia ma autou kaukauna.

Maleko 9:36

Oi tago atu ai ia Iehu oi fakatū he tamaiti i mua o ki lātou. Kua ōpoipoi mai e ia te tamaiti i ona lima, ma lea vē atu ki ona hoko,

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Luka 22:26

Kae ko koutou e hē vēnā; ko te tino e hili te maualuga o tona tūlaga ia te koutou, e tatau ke kavea ia ke vē ko te tino e pito hili ona maulalo tona tūlaga, ma ko te takitaki e tatau ke vē ko he kaukauna.

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”