Maleko 9:31 - Tokelauan New Testament

³¹ ona e fai ai nā akoakoga a ia ki ona hoko. Kua lea vē atu ki ona hoko, “Ko te Ataliki o te Tagata ka tukulima atu ki lalo o te pule a tagata, ma ka ki lātou tāmatea. Kae e teka nā aho e tolu, oi ka toe fakatū ai mai i te oti.”

Maleko 9:31 ပူးပေါင်းရင်းမြစ်များ

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 26:2

“E vē ona koutou iloa, toe lua ia aho oi pa ki te Kaiga Fakamanatu o te Pāheka, ma ko te Ataliki o te Tagata ka tuku atu ke fakahātaulo.”

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 10:34

ma ka fakatauemu ki lātou ki a te ia ma tūfeanu ki ei ma kini, oi tāmate ai e ki lātou; kae ka toe tū ia mai te oti, i tona tolu o aho.”

Maleko 8:31

Oi kāmata ai oi akoako atu vēnei e Iehu ki ona hoko, “Ko te Ataliki o te Tagata e tatau ke maua i nā puapuagā e lahi ma teteke ki ei nā toeaina, nā ohitāulaga hili, ma nā faiakoga o te Tūlāfono. Ka ki lātou tuku atua ia ke tāmate, kae i tona tolu o aho, ka toe tū ia mai te oti.”

Maleko 9:12

Kua tali mai ia Iehu, “E hako ko Elia e hau muamua ke toe tukutuku tonu ia mea uma. Ka ko he ā nei foki la te tūhia ai i nā Tuhituhiga Paia, ko te Ataliki o te Tagata e tatau ke maua i nā puapuagā e lahi ma teteke e tagata?

Luka 24:26

E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?”

Luka 9:44

“Fakalogo lelei mai ki te mea ka lea atu ai au ki a te koutou! Ko te Ataliki o te Tagata ka tukulima atu ki lalo o te pule a tagata.”

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Ioane 2:19

Kua tali atu ia Iehu, “Talepe ki lalo te Mālumalu tēnei, oi toe fau ai e au i nā aho e tolu.”

Ioane 3:14

Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga,

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.