Maleko 9:29 - Tokelauan New Testament

²⁹ Oi tali atu ai ia Iehu, “Ko te tatalo oioti lava te mafai ke tuli kehe ai ki fafo te itūkāigā agaga kino tēnei.”

Maleko 9:29 ပူးပေါင်းရင်းမြစ်များ

Mataio 12:45

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua. E vēnei foki lava te mea ka pa ki ei nā tino kino i nā aho nei.”

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Maleko 9:28

Kua fano ia Iehu ki loto o te fale, kua nā ko ia ma ona hoko, oi fehili atu ai ona hoko ki ei, “He ā nei te hēki mafai ai e ki mātou oi tuli ki fafo te agaga kino?”

Maleko 9:30

Kua olo kehe ia Iehu ma ona hoko mai kinā, oi olo ai kui loto atu i Kalilaia. E hēki fofou ia Iehu ke iloa e he tino te mea e i ei ai ia,

Luka 11:26

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua.”

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

1 Kolinito 9:27

E fakamākeke e au toku tino i te tatuki ma pūlea ki toku loto kātoa, nā ia au e fakahala ma tuli kehe ma te tākaloga, tēia kua uma toku kalaga ki iētahi tino ke ōmamai oi tākakalo ai.

2 Kolinito 11:27

Ko au nae galue ma te fītā; e lahi nā pō nae hē maua haku moe; nae fia kaia ma fia inua; e lahi nā taimi nae hē maua ai haku mea ke kai, he mea ke fakamalu ki ei, pe ni kofu ke fakamāfanafana ai.

2 Kolinito 12:8

E fakatolu lava ona tatalo au ki te Aliki e uiga ki te mea tēnei, ma fakatagi atu ki ei ke kave kehe tēnei mea ma au.

2 Kolinito 6:5

Ko ki mātou e kini, e falepuipui ma ogohia i te nunu fetunaki mai o tagata; e gālulue fītatā ma tau hē maua he moe, ma fia kakaia.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.