Maleko 9:24 - Tokelauan New Testament

²⁴ Ko te taimi lava tēnā na tagi ai te tamana, ma lea vē atu ki a Iehu, “Ko au e fakatuatua, kae e hē lava. Fehoahoani mai ko ki a te au kae ke fakalahi ātili ai toku fakatuatua!”

Maleko 9:24 ပူးပေါင်းရင်းမြစ်များ

Maleko 9:23

Kua lea atu Iehu ki ei, “He ā te lea vē ai koe, ‘Kāfai e kē mafaia’? E mafai ia mea uma e te tino e fakatuatua.”

Maleko 9:25

Kua kitea atu e Iehu te kaifenua kua kāmata nunu atu ki te mea e i ei ki lātou, oi fakatonu loa e ia te agaga kino vēnei, “Ko au e lea atu ki a te koe, te agaga e tutuli ma gūgū ai te taumalo, hau nei loa ki fafo, e hā foki koe oi toe ulu ki a te ia!”

Luka 17:5

Kua lea atu te kau apohitolo ki te Aliki, “Fakatupu lahi ko to mātou fakatuatua.”

Luka 7:38

Oi fano ai kua tū i tua i tafa o nā vae o Iehu, kua tagi ma fakahuhū nā vae o Iehu i ona loimata. Oi holo ai e ia nā vae o Iehu i tona laulu ma hogi ki ei, ma liligi ki luga nā lolo manogi taugatā.

Luka 7:44

Oi liliu atu ai ki te fafine, ma lea vē atu ki a Himona, “E kē kitea te fafine tēnei? Na ulu mai au ki tō fale kae e hēki kē kaumaia ni vai mo oku vae, ka kua fulufulu e te fafine oku vae i ona loimata, ma holo i tona laulu.

Gāluega 10:19

Koi tau māfaufau lava ia Petelu pe ko he ā te uiga o te fakaaliga, kae vāgana mai ki ei te Agaga Paia, “Kikila, e toka tolu ia taulelea e ki lātou hakilia koe.

Gāluega 10:31

ma lea vē mai, ‘Konelio! Kua lagona e te Atua au tatalo, ma ia kitea au gāluega alofa ki tagata mātitiva.

2 Kolinito 2:4

Na tuhi atu au ma toku loto popole ma te fakanoanoa lahi, vēnā ma te lahi o te loimata maligi; e hē ke fakatupu ai houtou hē fiafia, kae ke koutou iloa ai te lahi o toku alofa ki a te koutou.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Filipi 1:29

Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

2 Tehalonia 1:11

Ko te mea ia e tatalo ai pea lava ki mātou mo koutou. Ko ki mātou e tatalo ki to tātou Atua, ke kavea koutou ma tagata e tatau ma onomea mo te itūkāigā ōlaga kua ia kalagagia ai koutou ke ola ai. Ke fakataunuku e ia i tona mana, outou manakoga uma lele mo nā mea lelei, ma fakataunuku autou gāluega e fai ona ko te koutou fakatuatua.

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

2 Timoteo 1:4

E manatua e au ō loimata, ma ko au kua fia feiloaki lele ma koe, kae ke fakatumu ai au i te fiafia.

Epelu 12:17

Auā e koutou iloa, i he taimi mulimuli ake, na fofou ke ia mauagia te fakamanuiaga a tona tamana; kae e hēki mafai te mea tēnei, ona e hēki ia maua he auala ke toe hui ai tana mea na fai, e ui lava nae hakili e ia ma te tagi.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.