Maleko 9:23 - Tokelauan New Testament

²³ Kua lea atu Iehu ki ei, “He ā te lea vē ai koe, ‘Kāfai e kē mafaia’? E mafai ia mea uma e te tino e fakatuatua.”

Maleko 9:23 ပူးပေါင်းရင်းမြစ်များ

Mataio 14:29

“Hau la!” kua tali mai ia Iehu. Oi tū ifo ai loa lava ia Petelu ki lalo mai te vaka kua kāmata oi havali ki a Iehu i luga o te kilitai.

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Maleko 11:23

E lea atu au ki a te koutou, ko ai lava e lea atu ki te mauga tēnei ‘fakamahiki ki luga oi togi ki te tai’ e aunoa ma he māhalohalo o tona loto kae talitonu ko te mea e lea ai ia ka taunuku, ka vēnā lava ona fai mo ia.

Maleko 9:22

E lahi nā taimi e taumafai ai te agaga kino ke tāmate toku ataliki oi e ia togia ki loto o te afi ma ki loto o te vai. Alofa ko ma fehoahoani mai ki a te ki māua kāfai e kē mafaia!”

Maleko 9:24

Ko te taimi lava tēnā na tagi ai te tamana, ma lea vē atu ki a Iehu, “Ko au e fakatuatua, kae e hē lava. Fehoahoani mai ko ki a te au kae ke fakalahi ātili ai toku fakatuatua!”

Luka 17:6

Kua tali mai te Aliki, “Kana ia te koutou he fakatuatua e vē ko te lahi o he fatu hīnapi, e mafai koutou ke lea vēnei ki te hūkāmolu, ‘Heki ake ki luga i ō aka ia koe e koe lava, ma fano oi totō i te tai!’ ma e uhitaki atu lava.

Ioane 11:40

Kua lea atu ia Iehu ki a Mafa, “E hēki lea atu au e mafai ke kitea e koe te mana o te Atua, kāfai koe e talitonu?”

Gāluega 14:9

Nae nofo i kinā ma fakalogologo ki nā kupu e tautala ai ia Paulo. Kua kitea atu e Paulo ko te tamāloa kua talitonu ma e mafai ke fakamālōlōgia, oi na kikila hako atu ai ki ei,

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.