Maleko 9:14 - Tokelauan New Testament

¹⁴ Kua pa ifo ki lātou ki lalo ki te mea e i ei iētahi hoko o ia, oi kitea ai e ki lātou he kaifenua tokalahi i kinā ma ni faiakoga o te Tūlāfono e fai fīnauga ma ona hoko.

Maleko 9:14 ပူးပေါင်းရင်းမြစ်များ

Maleko 11:28

oi fehili vē mai ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Maleko 12:14

Kua lea vē atu ki lātou ki a Iehu, “Te Faiakoga, e iloa e ki mātou ko koe e tautala i te meamoni, e aunoa ma he popole pe vēhea ake ia manatu o tagata. E hē kē amanakia he tino ona ko hona tūlaga, kae e akoako lava e koe te meamoni e uiga ki te finagalo o te Atua mo tagata. Lea mai ake, e fakataga i te tātou Tūlāfono ke totogi nā lāfoga ki a Kaihala? E tatau nei ke totogi e ki tātou pe hēai?”

Maleko 2:6

Ko iētahi faiakoga o te Tūlāfono nae i kinā i te taimi tēnā, kua vē ifo i o lātou loto,

Maleko 9:13

Kae ko au e lea atu ki a te koutou, ko Elia kua hau, ma na ki lātou faia ki a te ia ho he mea lava na fofou ki lātou ki ei, e vē lava oi tūhia i nā Tuhituhiga Paia e uiga ki a te ia.”

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Epelu 12:3

Māfaufau ki nā mea na pa ia ki ei; ki te lava o tona onohai ki faiga fakatauemu a nā tino agahala nae feita lahi ki ei. Koutou la nahe fakavāivai pe loto pala.