Kua tukua e Iehu te kaifenua ka kua fano ki loto o te fale. Oi ōmai ai ona hoko kua lea vē atu ki ei, “Fakamatala mai ake ki a te ki mātou te uiga o te talafakatuha o nā vao kino i te fatoaga.”
Kua kakai ia tagata uma ma kua mākokona; oi fakaputu ai e te kau hoko nā tōega ma na tūtumu ai nā polapola e fitu. E tuha e toka fa afe ia tino nae i ei.
Oi tataki kehe ai e Iehu ona hoko, ma lea vē atu ki ei, “Kikila, ko ki tātou ka olo ki Ieluhalema, te mea ka fakataunuku ai nā mea uma lele na tūhia e te kau pelofeta e uiga ki te Ataliki o te Tagata.
