Maleko 8:38 - Tokelauan New Testament

³⁸ Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Maleko 8:38 ပူးပေါင်းရင်းမြစ်များ

Mataio 12:39

Kae kua tali mai ia Iehu ki a te ki lātou, “Kai te kino ma te hē talitonu ki te Atua o tagata i nā aho nei! Ko koutou e lea mai ke fai he fakailoga ofoofogia? Hēai! Oioti lava te fakailoga e fai mo koutou, ko te fakailoga ofoofogia na fai ki te pelofeta ko Iona.

Mataio 13:41

ka uga atu e te Ataliki o te Tagata ana agelu ke kave kehe mai i tona Mālō ki lātou uma e takitakia ia tagata ki te agahala, ma iētahi e faia te āmiokino,

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 16:4

Kai te kino ma te hē talitonu ki te Atua o tagata o nā aho nei. Ko koutou e lea mai ke fai he fakailoga ofoofogia? Hēai! Oioti lava te fakailoga e fai mo koutou ko te fakailoga ofoofogia na fai ki a Iona.” Oi fano kehe ai loa mai kinā.

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Maleko 13:26

Ma ka kitea atu te Ataliki o te Tagata e haele mai i nā ao, ma te mana, ma te mamalu hilihili kehe.

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Maleko 8:37

He ā te mafai e he tino ke fōki kae ke toe ia maua ai tona ola?

Luka 19:26

Ka kua tali atu te tupu, ‘E lea atu au ki a te koutou, ko nā tino i ei ni a lātou mea, ka hili atu te lahi o iētahi mea e toe fōki ki ei; kae ko nā tino e hēai ni a lātou mea, ke pa lava ki he tamā mea kua ia te ki lātou, ka kave kehe mai ia te ki lātou.

Luka 9:26

Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:51

Oi toe lea atu ai ia Iehu, “E takutino atu e au ki a te koutou te meamoni; ka kitea e koutou te lagi e matala, ma nā agelu a te Atua e ōake ki luga ma ōifo ki lalo i luga o te Ataliki o te Tagata.”

Ioane 12:34

Kua tali mai te kaifenua, “E lea mai te mātou Tūlāfono, ko te Mehia ka ola pea lava ke pa ki te fakavavau. E vēhea la ona lea mai koe, ko te Ataliki o te Tagata e tatau ke hiki ake ki luga? Ko ai te Ataliki o te Tagata?”

Ioane 5:27

Kua tuku atu foki e te Tamana ki te Ataliki, te pule ke ia fakamahinoa ai ia tagata uma, auā ko ia ko te Ataliki o te Tagata.

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

1 Tehalonia 2:19

Auā he ā nei ho mātou fakamoemoe pe he fiafia pe he manumālō ke fāfifia ai ki mātou kāfai to tātou Aliki ko Iehu e haele mai? E hē ko koutou nei?

1 Tehalonia 3:13

I te faiga tēnei, ka ia fakamākekea koutou, ma ka lelei kātoatoa ai koutou ma paia i te fakatahi mai o to tātou Atua te Tamana, kāfai to tātou Aliki ko Iehu e haele mai ma ki lātou uma e o ia.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

2 Timoteo 1:16

Ke ia Onehifolou ma tona kāiga te alofa fakahao o te Aliki, auā e lahi nā taimi na fakafiafia mai ai ia ki toku loto. Nae hē mā lele ona ko au e i te falepuipui,

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Epelu 13:13

Tātou olo foki la ki a te ia i fafo o te kakai, ke fakamātagā fakatahi ai ki tātou ma ia.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Ioane 2:23

Auā ko te tino e hē ia taliagia te Ataliki e hē ia te ia foki te Tamana; ko te tino e ia taliagia te Ataliki e ia te ia foki te Tamana.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

Fakaaliga 14:10

ka feinu lava ki te uaina a te Atua, te uaina o tona tōkahā e liligi vē e hē talāgia ki loto o te ipu o tona ita. Ko ki lātou uma e faia te mea tēnei, ka fakatīgāina i te afi ma te teiō, i mua o nā agelu paia ma te Punuamāmoe.