Maleko 8:35 - Tokelauan New Testament

³⁵ Auā ko ai lava e mānumanu ki tona ola, ka hē ia mauagia; kae ko ai lava e māumau tona ola ona ko au ma te Tala Lelei, ka maua e ia.

Maleko 8:35 ပူးပေါင်းရင်းမြစ်များ

Mataio 10:22

ma ka inohia koutou e tagata uma ona ko au. Ka ko te tino e onohai pea lava ke pa ki te ikuga, ka fakaolagia.

Mataio 10:39

Ko te tino e mānumanu ki tona ola, ka hē ia mauagia; kae ko te tino e māumau tona ola ona ko au, ka maua e ia.

Mataio 16:25

Auā ko ai lava e mānumanu ki tona ola, ka hē ia mauagia; kae ko ai lava e māumau tona ola ona ko au, ka maua e ia.

Mataio 19:29

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Maleko 8:36

He ā nei he aogā kāfai e maua e he tino te lalolagi kātoa, kae māumau ai tona ola?

Luka 17:33

Ko ai lava e mānumanu ki tona ola, ka hē ia mauagia, kae ko ai lava e māumau tona ola, ka maua e ia.

Luka 9:24

Auā ko ai lava e mānumanu ki tona ola, ka hē ia mauagia; kae ko ai lava e māumau tona ola ona ko au, ka maua e ia.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

1 Kolinito 9:23

E fai e au nā mea uma iēnei mo te tala lelei, kae ke i ei fakatahi ai au i nā fakamanuiaga e maua mai ai.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

Epelu 11:35

E ala i te fakatuatua na toe feiloaki ai nā fafine ma nā tino o nā kāiga o ki lātou na feoti kae na toe fakatutū mai te oti. Ko iētahi tino e hēki fofou ko ki lātou ke fakahaoloto, ma na feoti ai i nā fakahāuāga kae ke toe fakatutū ai ki lātou ki he ōlaga e hili atu te lelei.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.