Maleko 8:33 - Tokelauan New Testament

³³ Kae kua māfuli atu ia Iehu ki ona tua, ma ia kitea atu ona hoko. Oi tautala mālohi ai ki a Petelu, kua lea vē atu ki ei, “Hātani, fano kehe koe ma au! Auā ko ō manatu e hē mai te Atua, kae ni manatu fakatetagata!”

Maleko 8:33 ပူးပေါင်းရင်းမြစ်များ

Mataio 15:23

Kae e hē vāia lele ki ei ia Iehu. Oi ōmai ai ona hoko kua tauanau ki a Iehu ma lea vē atu ki ei, “Uga ko te fafine ke fano kehe auā e taumulimuli mai ma taukekē!”

Mataio 16:23

Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Maleko 3:34

Kua fakaholo atu tana kikila ki nā tino e laupae mai i ona tafa, oi vē atu ai tana kupu, “Kikila, iēnei oku mātua ma oku uho!

Maleko 3:5

Oi fakaholoholo atu ai tana kikila ki nā tino i tona loto tīgā, ka kua ia lagona foki te alofa ona ko te hehē ma te makaka o nā loto o ki lātou. Oi vāgana atu ai ki te tamāloa, “Fakahako atu tō lima.” Kua fakahako te lima o te tamāloa, oi toe lelei ai.

Luka 22:61

Kua liliu mai te Aliki ki ona tua, oi kikila hako ki a Petelu, ma na manatua ai loa e Petelu te lea vē akega o te Aliki ki a te ia, “Ka ko hēki vivini te moa i te pō nei, ka kua fakafiti fakatolu koe e hē kē iloa au.”

Luka 4:8

Kua tali mai ia Iehu, “E lea mai te tuhituhiga paia, ‘Ifo atu ki te Aliki tō Atua, ma kaukauna oioti ki a te ia!’ ”

Luka 9:55

Kae kua liliu atu ia Iehu oi muna ki ei.

1 Kolinito 5:5

ke tukulima atu e koutou te tamāloa ki a Hātani ke ia fakaumatiagia ia i te fakatetino, kae ke hao ai tona agaga i te Aho o te Aliki.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

1 Timoteo 5:20

Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

1 Petelu 4:1

Ona ko Keliho na maua i nā puapuagā o te tino, e tatau foki la koutou ke fakamākeke ma taumafai ke vē foki koutou ko ia; auā ko ai lava e puapuagā i te tino, e hē toe faia e ia te agahala.

1 Ioane 2:15

Koutou nahe alolofa ki te lalolagi pe ko nā mea o te lalolagi. Kāfai koutou e alolofa ki te lalolagi, ko koutou la e hē alolofa ki te Tamana.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.