Maleko 8:31 - Tokelauan New Testament

³¹ Oi kāmata ai oi akoako atu vēnei e Iehu ki ona hoko, “Ko te Ataliki o te Tagata e tatau ke maua i nā puapuagā e lahi ma teteke ki ei nā toeaina, nā ohitāulaga hili, ma nā faiakoga o te Tūlāfono. Ka ki lātou tuku atua ia ke tāmate, kae i tona tolu o aho, ka toe tū ia mai te oti.”

Maleko 8:31 ပူးပေါင်းရင်းမြစ်များ

Mataio 12:40

E vēia ona i loto ia Iona i te manava o te tafolā i nā ao ma nā pō e tolu, ka vēnā foki oi i ei i te loloto o te kelekele te Ataliki o te Tagata i nā ao ma nā pō e tolu.

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 12:10

E hēki faitau nei koutou ki te tuhituhiga paia e lea mai: ‘Ko te fatu na tīaki e nā faufale e hē aogā, kua kavea ma fatu e pito hili atu ona tāua.

Luka 17:25

Kae e tatau ke maua muamua ia i puapuagā e lahi, ma teteke ki ei ia tagata o te tupulaga tēnei.

Luka 24:26

E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?”

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 2:19

Kua tali atu ia Iehu, “Talepe ki lalo te Mālumalu tēnei, oi toe fau ai e au i nā aho e tolu.”

Gāluega 7:35

“Ko Mohe te na teteke ki ei ona tagata Ihalaelu. Na lea vē ki lātou ki ei, ‘Na hei tofia koe ke fai ma pule ma fai ma fakamahino mo ki māua?’ Ko ia te na uga e te Atua ke pule ki ona tagata, ma fakahaoloto ki lātou i te fehoahoani a te agelu na fakaali ki ei i loto o te lākau mumū.

1 Kolinito 15:4

na tanu, ma toe fakatū mai ai i te oti i te tolu o aho, e vē ona tūhia i nā Tuhituhiga Paia;