Maleko 8:26 - Tokelauan New Testament

²⁶ Oi uga ai e Iehu te tino tēnei ke toe foki ki tona kāiga ma te fakatonuga e vēnei, “Ia koe nahe kui atu i te kakai.”

Maleko 8:26 ပူးပေါင်းရင်းမြစ်များ

Mataio 12:16

ma fakatonu ai e ia ki lātou ke nahe ki lātou takua lele ki iētahi tino e uiga ki a te ia.

Mataio 8:4

Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Mataio 9:30

ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua lea lele ki he tino.”

Maleko 5:43

Ka kua vavao mālohi atu ki lātou e Iehu ke nahe ki lātou takua lele ki he tino, ma vē atu tana kupu, “Fōki he mea ma te tamaiti ke kai.”

Maleko 7:36

Oi fakatonu ai e Iehu ia tagata ke nahe ki lātou takua lele ki he tino te mea na tupu; kae na vē lava e lea atu ke fakaatili ai te ki lātou tālakia o te tala.

Maleko 8:23

Na puke atu loa ia Iehu ki te lima o te tāuaho oi tataki ai e ia ki fafo o te kakai. Kua feanu ia Iehu ki nā mata o te tāuaho ma fakauta atu ona lima ki ona luga, kae fehili vē atu ki ei, “E kē kitea he mea?”

Maleko 8:25

Na toe tuku atu nā lima o Iehu ki nā mata o te tāuaho; oi pupula hako loa nā mata o te tāuaho ki mua oi kitea lelei ai e ona mata, kua manino lelei tana kikila ki mea uma.