Maleko 8:22 - Tokelauan New Testament

²² Kua taunuku atu ia Iehu ma ona hoko ki Petehaita, oi ōmamai ai nā tino oi kaumai he tāuaho ki a Iehu. Kua fakatagi atu ki lātou ki a Iehu ke paki ake ona lima ki te tāuaho.

Maleko 8:22 ပူးပေါင်းရင်းမြစ်များ

Mataio 11:21

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.

Mataio 14:36

Kua talohaga foki nā tino ki a Iehu ke mafai nā tauale ke tau lava kua paki ake ki te pito o tona kofu loloa; ko ki lātou uma foki na paki ki ei na fakamālōlōgia.

Mataio 8:15

Kua paki atu ia Iehu ki te lima o te fafine; kua fano kehe te fiva mai te fafine, oi tū ake ai ki luga oi laulau te meakai a Iehu.

Mataio 8:3

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na mamā ai ia mai te lēpela.

Mataio 9:29

Oi tago ai ia Iehu ki o lā mata ma vāgana atu ki ei, “Ke vēnā lava la ona fai, e vē ona talitonu koulua e mafai!” —

Maleko 2:3

kae taunuku mai nā tamāloa e toka fa, e hiki mai he tamāloa e mate tona tino kātoa, ki a Iehu.

Maleko 3:10

E tokalahi nā tino na ia fakamālōlōa, ko te mea foki ia na fakatau tūfēke ai nā tino tauale uma, kae ke mafai oi paki atu o lātou lima ki a te ia.

Maleko 6:45

Na fakatonu loa lava e Iehu ona hoko ke olo ki luga o he vaka ma ke muamua ki Petehaita i tētahi itū o te vai, kae kua uga e ia te kaifenua ke olo ki o lātou kāiga.

Luka 10:13

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te nonofo ki lalo ma fai o lātou kofutaga, ma lūlū ki o lātou luga te pefu, ke fakailoa ai to lātou halamō!

Luka 9:10

Kua toe foki mai te kau apohitolo, ma na taku e ki lātou ki a Iehu nā mea uma na fai e ki lātou. Oi kave ai e ia ki lātou, kua olo nā ko ki lātou ki he kakai e igoa ko Petehaita.

Ioane 1:44

Ko Filipo e hau mai Petehaita, te kakai e nonofo ai ia Anitelea ma Petelu.

Ioane 12:21

Kua olo ki a Filipo (e hau mai Petehaita i Kalilaia) oi fehili vē ki ei, “Te aliki, ko ki mātou e fia feiloaki ma Iehu.”