Maleko 8:17 - Tokelauan New Testament

¹⁷ Kua iloa e Iehu nā mea e fakataufai ai ki lātou, oi lea vē atu ai ki ei, “He ā te fakataufai ai koutou ki te hēai o ni falaoa? Ko hēki koutou hāfia moni nei lava pe mālamalama? Ko outou loto nei ko e makaka?

Maleko 8:17 ပူးပေါင်းရင်းမြစ်များ

Mataio 12:15

Kua iloa e Iehu nā taupulepulega kua fai agai ki a te ia, oi fano kehe ai loa ma te koga tēnā; kua taumulimuli atu foki ki a te ia he kaifenua e tokalahi, oi fakamālōlō ai e ia nā tauale uma lele,

Mataio 15:17

Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe hau ai ki fafo o tona tino.

Mataio 16:7

Oi kāmata ai kua fakataufai te kau hoko nā ko ki lātou ma lea vē tētahi ki tētahi, “E lea mai vēnei auā e hēki kaumaia ni a tātou falaoa.”

Maleko 16:14

Mulimuli ake oi fakakitea ai ia Iehu ki nā hoko e toka hefulutahi ka koi fai te lātou katiga. Oi munaia ai e ia ki lātou ona ko to lātou hē fakatuatua ma te loto makaka, kua hē talitonu ai ki nā tino na ki lātou kiteagia ia talu tona toe tū mai i te oti.

Maleko 2:8

I te taimi lava tēnā, na iloa ai e Iehu nā mea i o lātou māfaufau, oi vāgana atu ai ki ei, “He ā te māfaufau ai koutou ki ni mea vēnā?

Maleko 3:5

Oi fakaholoholo atu ai tana kikila ki nā tino i tona loto tīgā, ka kua ia lagona foki te alofa ona ko te hehē ma te makaka o nā loto o ki lātou. Oi vāgana atu ai ki te tamāloa, “Fakahako atu tō lima.” Kua fakahako te lima o te tamāloa, oi toe lelei ai.

Maleko 6:52

auā ko hēki mālamalama lava ki lātou ki te uiga moni o te fafagaga o te toka lima afe; e faigatā ke talia e o lātou māfaufau.

Maleko 8:16

Oi kāmata ai kua fakataufai te kau hoko nā ko ki lātou ma lea vē tētahi ki tētahi, “E lea mai vēnei auā e hēai ni a tātou falaoa.”

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Ioane 16:30

Kua ki mātou iloa nei, e kē iloa ia mea uma lele; e hē tau i ei ni fehili e fai atu, auā kua uma te kē iloa o te mea i te māfaufau o te tino ka ko hēki fai atua hana fehili. Ko te mea ia kua talitonu ai ki mātou ko koe na hau mai te Atua.”

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.