Maleko 8:11 - Tokelauan New Testament

¹¹ Kua ōmamai ni tino o te kau Falehaio ki a Iehu ma kāmata fīnau ki ei. Nae fofou ke ki lātou tofotofoa ia Iehu, oi na lea ai ki ei ke fai he fakailoga ofoofogia ke iloa ai pe kua ia te ia moni te pule mai te Atua.

Maleko 8:11 ပူးပေါင်းရင်းမြစ်များ

Mataio 12:38

Oi lea atu ai iētahi faiakoga o te Tūlāfono ma ni tino o te kau Falehaio ki a Iehu, “Te Faiakoga, ko ki mātou e fia kikila ki he fakailoga ofoofogia mai te Atua ke fakamāonia ai nā mea e lea ai koe.”

Mataio 19:3

Oi ōmai ai te kau Falehaio, kua taumafai ke tofotofo ia Iehu i he fehili. Kua lea vē atu ki lātou, “E fakataga nei i te tātou Tūlāfono he tamāloa ke tatala e ia tana āvaga i ho he māfuaaga e fofou ia ki ei?”

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Mataio 22:15

Kua olo kehe te kau Falehaio ma kua taupulepule ke māilei ia Iehu i ni fehili e fai ki ei.

Mataio 22:18

Kae kua uma te iloa e Iehu a lātou taupulepulega kino, oi lea vē atu ai ki ei, “Ko koutou ni tagata fakagutugutulua! He ā te taulamalama ai koutou ki a te au?

Mataio 22:23

I te aho lava tēnā, na ōmamai ai ni tino o te kau Hatukaio ki a Iehu ma to lātou talitonuga, e hē mafai nā tino ke toe tutū mai i te oti.

Maleko 12:15

Ka kua hāfia e Iehu te lātou togafiti oi tali vē atu ai ki ei, “He ā te tau lamalama ai koutou ki a te au? Kaumai he tupe hiliva ke kikila au ki ei.”

Maleko 2:16

Ko iētahi faiakoga o te Tūlāfono, ni Falehaio, kua ki lātou kitea atu ia Iehu e kakai fakatahi ma nā aolāfoga vēnā ma nā tino inohia, oi fehili vē atu ai ki ona hoko, “He ā te kakai fakatahi ai ia Iehu ma nā tino vēnā?”

Maleko 9:16

Oi fehili atu ai ia Iehu ki ona hoko, “He matākupu a te fai fīnauga ai koutou ma nā tino iēnā?”

Luka 10:25

Oi hau ai he faiakoga o te Tūlāfono, kua tofotofo e ia ia Iehu ma lea vē atu ki ei, “Te Faiakoga, he ā te tatau ke kō faia, ke maua ai e au te ola e fakavavau?”

Luka 11:16

Ko iētahi tino, nae fofou ke ki lātou tofotofoa ia Iehu, oi lea ai ki ei ke fai he fakailoga ofoofogia, ke iloa ai pe kua ia te ia moni te pule mai te Atua.

Ioane 4:48

Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”

Ioane 6:30

Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai?

Ioane 7:48

“E koutou iloa pe na kua i ei he takitaki e fokotahi o Iutaia, pe he Falehaio, e talitonu ki a te ia?

Ioane 8:6

Na lea vēnei ki lātou ke māilei ai ia Iehu, ma ke ki lātou mōlia ai ki te tūlāfono. Kae kua punou ki lalo ia Iehu ma tuhituhi i tona muamuālima ki luga o te kelekele.

Gāluega 5:9

Oi lea atu ai ia Petelu ki te fafine, “He ā te na mālilie ai koulua ma tau āvaga ke koulua tofotofoa te Agaga o te Aliki? Kikila, ko nā taulelea na ki lātou tanua tau āvaga, iēnā kua i te faitotoka i te taimi nei, ma ka ki lātou hikia foki koe ki fafo!”

1 Kolinito 10:9

E hē tatau ke tuku atu e ki tātou ia Keliho ki te tofotofoga, e vē oi fai e iētahi o ki lātou — na fakaumatia ki lātou e nā gata.