Maleko 7:27 - Tokelauan New Testament

²⁷ Ka kua tali atu ia Iehu ki ei, “Muamua fafaga e ki tātou ia tamaiti, auā e hē ko he mea tatau ke kave te meakai a tamaiti oi togi ma nā kulī.”

Maleko 7:27 ပူးပေါင်းရင်းမြစ်များ

Mataio 10:5

Kua uga atu e Iehu nā tamāloa iēnei e hefululua ma nā fakatonuga e vēnei: “Ko koutou e hē olo ki he fenua o tagata nukukehe pe he kakai o Hāmālia.

Mataio 7:6

“Nahe fōkia nā mea kua uma te fakapaia ki nā kulī — auā ka fakahaga mai oi takati koutou. Nahe togia autou pēnina ki mua o nā puaka — auā ka holi ki lalo i o lātou vae.

Maleko 7:26

Ko te fafine ko he Eleni, na fānau i Foinike i Hulia. Kua fakatagi ki a Iehu ke tuli kehe te tēmoni e ulufia ai tana tama teine.

Maleko 7:28

Kae kua tali mai te fafine, “Io e hako te Aliki, kae e pa foki lava ki nā kulī i lalo o te laulau, e kakai ki nā matutuga a tamaiti e malili ki lalo!”

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Loma 15:8

Auā e lea atu au ki a te koutou, ko te ōlaga tautua o Keliho nae mo tagata Iutaia, ke iloa ai ko te Atua e fakamāoni, ke fakataunuku ana folafolaga ki o lātou tupuna,

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.