Maleko 7:24 - Tokelauan New Testament

²⁴ Kua fano kehe ia Iehu mai kinā ka kua fano ki te kogāfenua e pili ki te kakai ko Tulo. Kua ulu atu ki loto o he fale ma e hēki fofou ke iloa e he tino ko ia ei kinā, kae na iloa lava.

Maleko 7:24 ပူးပေါင်းရင်းမြစ်များ

Mataio 11:21

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.

Mataio 9:28

Kua ulu ia Iehu ki loto fale, oi ōmamai ai ki a te ia nā tāuaho e toka lua. Kua fehili atu ia Iehu ki a te ki lāua, “E talitonu koulua e mafai e au oi fakamālōlō koulua?” Kua tali mai ki lāua, “Io, te Aliki!”

Maleko 2:1

Kua teka atu ni aho, oi toe foki ai ia Iehu ki Kapenaumi, kua halalau foki te tala ko Iehu kua i tona kāiga.

Maleko 7:23

Ko nā mea kino uma iēnei e puna mai i te loto o he tino ma fai ma mea e hē mamā ai ia.”

Maleko 7:25

E i ei he fafine nae ulufia tana tama teine e he agaga kino. Na lagona lava e ia te fakamatalaga e uiga ki a Iehu, oi fano ai ki ei i te taimi lava tēnā, kua tōtuli i mua o Iehu.

Maleko 7:31

Na tukua e Iehu te kogāfenua o Tulo, kae toe foki ki te Vaitūloto ko Kalilaia kui atu i Haitonu ma nā kogāfenua o nā Kakai e Hefulu.

1 Timoteo 5:25

E vēnā foki oi kitea gōfie nā gāluega lelei, ma e pa foki lava ki nā gāluega e hē kitea gōfie, e hē mafai ke mumunia.