Maleko 7:22 - Tokelauan New Testament

²² te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Maleko 7:22 ပူးပေါင်းရင်းမြစ်များ

Mataio 20:15

E hē ia te au nei te faitalia ke fakaaogā ai aku tupe ki te mea e fofou au ki ei? Pe ko koe e loto kino auā ia au e kaimakoi?’ ”

Mataio 6:23

kae kāfai ō mata e kino, ko tō tino kātoa ka i te pōuliuli. Kāfai la ko te mōlī i loto o koe ko te pōuliuli, kai te kino ātili lele o te pōuli ka i ei ai!

Maleko 7:21

Auā ko te loto o te tagata e puna mai ai nā manatu kino ma tataki ai ke fai nā āmio kino, te kaihohoa, te tāmate tino,

Maleko 7:23

Ko nā mea kino uma iēnei e puna mai i te loto o he tino ma fai ma mea e hē mamā ai ia.”

2 Kolinito 10:5

e talepe ki lalo e ki mātou nā mea uma e fakatutū ke fai ma lave ki te mālamalama o tagata, e uiga ki te Atua. E puke fakamālohi e ki mātou ia manatu tau tokatahi uma, ma fakamālohia ke uhitaki ki a Keliho.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”