Maleko 7:21 - Tokelauan New Testament

²¹ Auā ko te loto o te tagata e puna mai ai nā manatu kino ma tataki ai ke fai nā āmio kino, te kaihohoa, te tāmate tino,

Maleko 7:21 ပူးပေါင်းရင်းမြစ်များ

Mataio 15:19

Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.

Mataio 9:4

Kae kua iloa e Iehu nā mea i o lātou māfaufau, oi vāgana atu ai ki ei, “He ā te māfaufau ai koutou ki ni mea kino vēnā?

Maleko 7:20

Kua toe vēnei atu te kupu a Iehu, “Ko te mea e hau ki fafo mai te loto o he tino te hē mamā ai ia.

Maleko 7:22

te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Gāluega 5:4

Ka ko hēki fakatau atua e koe te fenua, nae e o koe lava; ma ina kua uma te fakatau atu e koe, ko te tupe e a koe. He ā la te na fai ai e koe he mea vēnā? Ko koe e hēki pepelo ki tagata — ko koe kua pepelo ki te Atua!”

Gāluega 8:22

Halamō la, mai ō māfaufauga kino iēnā, ma tatalo ki te Aliki ke ia fakamāgaloa koe ona ko koe kua manatu ki he mea vēnā.

Loma 7:5

Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 7:8

Kae ona ko te fakatonuga tēnā a te Atua, na maua ai te avanoa o te agahala ke fakatupu ai nā itūkāigā lagona fakapito kehekehe ia te au. Ka na hēai he tūlāfono, e hēai foki he agahala.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Iakopo 2:4

Kāfai e koutou faia te mea tēnā, ko tona uiga ko koutou kua fakailoga tino ma kua kavea koutou ma fakamahino kino.