Maleko 7:19 - Tokelauan New Testament

¹⁹ auā e hē fano ki tona loto kae fano ki loto o tona manava oi fano ai ki fafo o te tino.” (I tana tautalaga tēnei, na fakailoa ai e Iehu ko nā meakai uma lele e lelei ke kakai ki ei.)

Maleko 7:19 ပူးပေါင်းရင်းမြစ်များ

Mataio 15:17

Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe hau ai ki fafo o tona tino.

Maleko 7:18

Ka kua vāgana atu ia Iehu ki ei, “Kua tutuha lava te koutou hē mālamalama ma iētahi tino. E hē koutou iloa e hēai he mea e fano ki loto o he tino kui atu i te gutu, e hē mamā tauanoa ai i te tūlāfono,

Luka 11:41

Kae fōki nā mea i loto o nā iputi ma nā ipukai a koutou ma nā tino mātitiva, oi ka fakamamāgia ai nā mea uma mo koutou.

Gāluega 10:15

Kua toe lea vē ifo te leo, “Ho he mea kua fakailoa mai e te Atua e mamā, e hē tatau ke lea koe e hē mamā.”

Gāluega 11:9

Na toe lea vē mai te leo mai te lagi, ‘Ho he mea kua fakailoa mai e te Atua e mamā, e hē tatau ke lea koe e hē mamā.’

1 Kolinito 6:13

E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

Kolohe 2:16

Nahe fakataga la e koutou he tino ke ia faia te tonu e uiga ki nā mea e tatau ke kakai ma inu koutou ki ei, pe e uiga ki nā aho paia, pe ki te fakamanatuga o te Māhina Tū Mai, pe ki te Hāpati.