Maleko 6:6 - Tokelauan New Testament

⁶ Ma na ofo lele ia Iehu ki te hē fakatuatua o tagata. Oi fano ai ki nā nuku i te kogāfenua tēnā, ma akoako atu ki tagata.

Maleko 6:6 ပူးပေါင်းရင်းမြစ်များ

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 8:10

I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 9:35

Kua fano ia Iehu oi āhiāhi tāmilo ki nā kakai ma nā nuku uma. Na fai ana akoakoga i loto o nā hūnako, tālaki atu te Tala Lelei e uiga ki te Mālō o te Atua, ma fakamālōlō ia tagata e maua i nā tauale kehekehe.

Maleko 1:39

Oi malaga atu ai ia Iehu ki nā koga uma o Kalilaia ma tālaki atu te Tala Lelei i loto o nā hūnako, ma tuli ki fafo nā tēmoni.

Maleko 10:1

Oi fano kehe ai ia Iehu i te kogāfenua tēnā, kua fano agai ki te itūmālō o Iutea, oi aha ai ki tētahi itū o te vaitafe ko Iolitana. E tokalahi foki he kaifenua kua toe lolofi atu ki ei, oi akoako atu ai ki lātou e ia, e vē lava ko tana māhani.

Luka 13:22

Kua kui atu ia Iehu i nā tamā kakai ma nā nuku i tana malaga ki Ieluhalema, ma akoako atu ki tagata.

Luka 4:31

Oi fano ai ia Iehu ki Kapenaumi, he kakai i Kalilaia, ma akoako atu ki tagata i te Hāpati.

Luka 4:44

Oi tālaki atu ai lava e ia te Tala Lelei i loto o nā hūnako, i Iutea kātoa.

Ioane 9:30

Kua tali mai te tamāloa, “Te ofoofogia lele la o te mea tēnei! Tēnā e hē koutou iloa pe hau mai fea, kae na ia fakamālōlōgia au mai te tāuaho!

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.