Maleko 6:46 - Tokelauan New Testament

⁴⁶ Kua mātuku atu ia tagata, oi fano ai ia Iehu ki luga o he mauga ke tatalo ai.

Maleko 6:46 ပူးပေါင်းရင်းမြစ်များ

Mataio 14:23

Kua mātuku atu ia tagata, oi fano tautahi ai ia Iehu ki luga o he mauga ke tatalo ai. Kua pa ki te afiafipō kae koi i ei tautahi lava ia Iehu i kinā;

Mataio 6:6

Kāfai koe e tatalo, fano ki tō potu, tapuni te faitotoka, oi tatalo ai ki tō Tamana. Ko tō Tamana e hē kitea e he tino, kae e kitea e ia au mea e fai munimuni, ma ka ia fōki atua tō taui.

Maleko 1:35

I te taeaopōpō o te aho alafaki ka ko hēki matea he tino, na fano ai ia Iehu ki he mea gāogāo i fafo o te kakai oi tatalo ai.

Maleko 6:47

E pa ki te afiafipō ko te vaka kua i lototonu o te vaitūloto, ka ko Iehu koi nofo tautahi i gāuta.

Luka 6:12

I nā aho lava iēnā, na fano ai ia Iehu ki luga o he mauga oi tatalo ai; na fano te pō kātoa e tatalo ki te Atua.

Gāluega 18:18

Na nonofo fakatahi ia Paulo ma te kau Kelihiano i Kolinito i ni aho e lahi, oi tukua ai e ia ki lātou, kae folau ma Pihila ma Akula ki Hulia. Ka ko hēki folau kehe ia Paulo mai Kegeleaiha, na tafi tula tona ulu ona he tautōga e a ia na fai.

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

2 Kolinito 2:13

Kae ko au nae popole lahi ona e hēki kō maua ki kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.

1 Petelu 2:21

Ko tēnei te mea na kalagagia ai koutou e te Atua, auā ko Keliho lava ia na puapuagā mo koutou, ma ia tukua mo koutou he fakatakitakiga, kae ke mulimuli ai koutou ki nā mea nae ia faia.