Maleko 6:37 - Tokelauan New Testament

³⁷ Kae kua tali atu ia Iehu ki a te ki lātou, “Fōki ifo e koutou he lātou mea ke kai.” Oi lea atu ai ki lātou ki a te ia, “Ka olo nei la ki mātou oi fakatau mai ni falaoa e tuha ma te luahelau tēnali te tau, ke fafaga ai nā tino?”

Maleko 6:37 ပူးပေါင်းရင်းမြစ်များ

Mataio 14:16

Kae kua lea atu ia Iehu ki a te ki lātou, “E hē tatau ke olo, fōki ifo e koutou he lātou mea ke kai!”

Mataio 18:28

“Oi fanatu ai te kaukauna tēnei, kua fetaui ma tona hoā kaukauna e nofo kaitālafu ake ki a te ia i he helau tupe hiliva. Kua tago atu oi tāofi mai tona hoā kaukauna ma kāmata titina te ua ma lea vē atu ki ei, ‘Totogi mai nei lava taku tupe e kaitālafu e koe!’

Maleko 6:36

Uga ko nā tino ke olo ki nā fatoaga ma nā nuku e tafapili mai, ke fakatau ai ni a lātou mea ke kai.”

Maleko 6:38

Oi kua fehili atu ia Iehu, “E fia autou falaoa? Olo oi kikila pe fia.” I te ki lātou iloaga, oi ōmamai ai oi lea vē atu ki a Iehu, “E lima ia falaoa ma nā ika e lua.”

Luka 7:41

Oi vāgana atu ai ia Iehu, “E i ei nā tamāloa e toka lua nae nofo kaitālafu ki he tino e kaitālafu mai ai nā tupe e tagata. Ko tētahi tamāloa nae nofo kaitālafu i he limahelau tēnali, ka ko tētahi nae nofo kaitālafu i he limahefulu tēnali.

Luka 9:13

Kae kua vāgana atu ia Iehu ki ei, “Fōki ifo e koutou he lātou mea ke kai.” Kua tali mai ki lātou, “Oioti lava a tātou meakai, e lima ia falaoa ma nā ika e lua. E fofou la koe ke olo ki mātou oi fakatau mai ni meakai mā te kaifenua kātoa uma tēnei?”