Maleko 6:31 - Tokelauan New Testament

³¹ Ko te tokalahi o tagata nae holo mai ki a Iehu ma ona hoko, e oatu ni tino kae ōmamai ni tino, kua hē maua lele ai ho lātou avanoa ke kakai ai. Oi lea atu ai ia Iehu ki ona hoko, “Tātou olo ki hētahi mea nā ko ki tātou, kae ke mālōlō tahi foki koutou.”

Maleko 6:31 ပူးပေါင်းရင်းမြစ်များ

Mataio 14:13

Kua fakalogo ia Iehu ki te mea kua tupu ki a Ioane, oi fano kehe ai mai kinā, kua fano i he vaka ki he kogāfenua e tū fua. Kua iloa e tagata te mea kua fano ki ei ia Iehu, oi tukua ai e ki lātou nā kakai e nonofo ai kae olo kui gāuta oi mulimuli ki ei.

Maleko 1:45

Kae kua fano te tino kua kāmata tālaki valevale te tala. Ko te mea ia na hē mafai ai ia Iehu ke fano ki he kakai, ka kua fano oi nofo i nā mea e hēai ai ni tino. Kae e hēki uma ai te holo mai o tagata ki a te ia, mai nā pito fenua kehekehe.

Maleko 3:20

Oi fano ai ia Iehu ki tona kāiga. Ka kua toe tumu atu foki ki ei te kaifenua e tokalahi kua hē maua ai he avanoa o ia ma ona hoko ke kakai ai.

Maleko 3:7

Kua olo ia Iehu ma ona hoko ki tafa o te vaitūloto ko Kalilaia, ma mulimuli atu ai ki a te ia he kaifenua e tokalahi. Na ōmamai mai Kalilaia ma Iutea,

Ioane 6:1

Kua uma atu te mea tēnei, oi fano ai ia Iehu ki tētahi itū o te Vaitūloto ko Kalilaia (ko Tipelia tētahi ona igoa).