Maleko 6:25 - Tokelauan New Testament

²⁵ Na foki fakavave loa te teine ki te tupu ma lea vē atu ki ei, “Ko au e fofou ke fōki mai e koe nei lava, te ulu o Ioane te Papatiho i luga o he peleti lahi!”

Maleko 6:25 ပူးပေါင်းရင်းမြစ်များ

Mataio 14:8

Na lea atu ai loa te teine ki a Helota e vē ona fakatonugia ai ia e tona mātua, “Kaumai la nei ki a te au i luga o he peleti lahi, te ulu o Ioane te Papatiho!”

Mataio 3:1

I nā aho iēnā, na fano ai ia Ioane te Papatiho ki te vao o Iutea, kua kāmata oi fai ai tana tālakiga.

Maleko 6:24

Oi fano ai te teine ki fafo oi fehili vē atu ki tona mātua, “He ā nei he mea ke lea au ki ei?” “Lea ki te ulu o Ioane te Papatiho,” kua tali mai tona mātua.

Maleko 6:26

Na fakanoanoa lahi lele te tupu i te mea tēnei, kae ona ko tana tautōga na fai i mua o te kau valakaulia, e hēki ia mafaia ai oi teteke ki te mea kua lea ake ai te teine.

Loma 3:15

E vave lele te ki lātou fakaogohia ma te tāmate tino;