Maleko 6:17 - Tokelauan New Testament

¹⁷ Auā na fakatonu e Helota ke puke fakapagotā ia Ioane ma noanoa i loto o te falepuipui. Na fai e ia te mea tēnei ona ko Helotia te āvaga a tona uho ko Filipo, kua fai ma ana āvaga.

Maleko 6:17 ပူးပေါင်းရင်းမြစ်များ

Mataio 11:2

I te lagonaga e Ioane te Papatiho i loto o te fale puipui nā mea kua fai e Keliho, oi uga ai e ia iētahi o nā hoko o ia ke fehili ki a Iehu.

Mataio 4:12

I te lagonaga e Iehu ko Ioane kua kave ki te falepuipui, oi fano ai ki Kalilaia.

Maleko 6:16

Kae i te lagonaga e Helota, oi vēake ai tana kupu, “Ko Ioane te Papatiho na kō fakatonua ke tipi kehe tona ulu, kua toe ola mai!”

Luka 3:1

I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Ioane 3:24

Ko nā mea iēnei nae fai e Ioane, ka ko hēki falepuipui ai.