Maleko 6:15 - Tokelauan New Testament

¹⁵ Kae ko iētahi kua lea vē, “Ko Elia tēnei.” Ka ko iētahi kua lea vē, “He pelofeta tēnei, e vē lava ko nā pelofeta i nā aho kua leva.”

Maleko 6:15 ပူးပေါင်းရင်းမြစ်များ

Mataio 16:14

Kua tali mai te kau hoko, “Ko iētahi tino e lea ko koe ko Ioane te Papatiho, ko iētahi e lea ko koe ko Elia, ma iētahi e lea ko koe ko Ielemia pe ko hētahi o te kau pelofeta.”

Mataio 21:11

“Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Maleko 6:16

Kae i te lagonaga e Helota, oi vēake ai tana kupu, “Ko Ioane te Papatiho na kō fakatonua ke tipi kehe tona ulu, kua toe ola mai!”

Maleko 8:28

Kua tali mai ki lātou, “Ko Ioane te Papatiho; kae ko iētahi tino e lea ko koe ko Elia, ka ko iētahi e lea ko koe he tino lava e o te kau pelofeta.”

Luka 1:17

Ka muamua atu ia i te Aliki, ma e mākeke ma lototele, e vē ko te pelofeta ko Elia. Ka fakaliliu e ia ia loto o mātua ki a lātou fānau; ka fakaliliu e ia nā tino fakalogo gatā ke toe kui i nā auala o te āmiotonu; ka tāpena e ia nā tino o te Aliki, ke hāuniuni mo ia.”

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Luka 9:19

Kua tali mai ki lātou, “Ko Ioane te Papatiho; kae ko iētahi tino e lea ko koe ko Elia, ka ko iētahi e lea ko koe he tino o te kau pelofeta mai te kāloā, kua toe ola mai.”

Luka 9:8

Ko iētahi tino na lea vēia ko Elia kua hau, kae ko iētahi kua lea ko hētahi o nā pelofeta i nā aho kua leva, kua toe ola mai.

Ioane 1:21

“Ko ai la koe?” kua fehili vē mai ki lātou. “Ko koe nei ko Elia?” “Hēai, e hē ko au,” kua tali atu ia Ioane. “Ko koe nei la ko te Pelofeta?” kua lea mai ki lātou. “Hēai,” kua tali atu ia Ioane.

Ioane 1:25

kua fehili vē atu ki a Ioane, “He ā la te papatiho ai e koe nā tino kāfai ko koe e hē ko te Mehia, pe ko Elia pe ko te Pelofeta?”

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Ioane 7:40

Ko iētahi tino i te kaifenua na ki lātou lagona nā kupu tēnei a Iehu, kua lea vē, “E hako lava ko te tagata tēnei ko te Pelofeta!”

Ioane 9:17

Oi toe fehili ai foki te kau Falehaio ki te tamāloa, “He ā hau fakamatalaga e mafai ke fai e uiga ki te tino e lea koe na ia fakapupulagia ō mata?” “Ko te tino ko he pelofeta,” kua tali atu te tamāloa.