Maleko 5:43 - Tokelauan New Testament

⁴³ Ka kua vavao mālohi atu ki lātou e Iehu ke nahe ki lātou takua lele ki he tino, ma vē atu tana kupu, “Fōki he mea ma te tamaiti ke kai.”

Maleko 5:43 ပူးပေါင်းရင်းမြစ်များ

Mataio 17:9

Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino e uiga ki te fakaaliga na kikila ki ei outou mata, heiloga kua toe fakatū te Ataliki o te Tagata mai te oti.”

Mataio 8:4

Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Mataio 9:30

ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua lea lele ki he tino.”

Maleko 1:43

Na tautala mālohi ia Iehu ki ei, oi uga ai ke fano i te taimi lava tēnā,

Maleko 3:12

Ka kua fakatonu mālohi e Iehu nā agaga kino ke nahe ki lātou takua ki he tino pe ko ai ia.

Maleko 5:42

Oi na tū ake ai loa ki luga i te taimi lava tēnā, ma kāmata oi havalivali. (Kua hefululua ona tauhaga.) Na ofo lahi lele nā tino ki te mea tēnei.

Maleko 7:36

Oi fakatonu ai e Iehu ia tagata ke nahe ki lātou takua lele ki he tino te mea na tupu; kae na vē lava e lea atu ke fakaatili ai te ki lātou tālakia o te tala.

Maleko 9:9

Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino te mea na koutou kitea, heiloga kua toe tū te Ataliki o te Tagata mai te oti.”

Luka 24:30

Kua nofo atu ki lalo ia Iehu ke kakai fakatahi ki lātou, oi tago ai ki te falaoa, kua fakafetai ki te Atua, oi tavaevae ai ma fōki ki te toka lua.

Luka 5:14

Oi fakatonu ai vēnei e Iehu te tamāloa, “Ko koe e hē lea ki he tino, kae fano oi fakaali tō tino ki he ohitāulaga; ma ofo atu ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

Luka 8:56

Na ofo lele nā mātua o te teine, kae kua fakatonu atu ki lāua e Iehu, ke nahe takua lele ki he tino te mea na tupu.

Ioane 5:41

“Ko au e hē fofou ki ni vīkiga mai tagata.

Gāluega 10:41

e hē ki tagata uma, kae ki a te ki mātou oioti kua uma te filifilia e te Atua, ki mātou iēnei na kakai ma inu fakatahi ma Iehu talu tona toetū mai te oti.