Maleko 5:35 - Tokelauan New Testament

³⁵ Ka koi tautala vēnei atu ia Iehu, kae taunuku mai ni kavefekau mai te fale o Iāilo, ma kua lea vē atu ki lātou ki a Iāilo, “Ko tō afafine kua oti. He ā la te toe fakalavelave tauanoa ai ki te Faiakoga?”

Maleko 5:35 ပူးပေါင်းရင်းမြစ်များ

Mataio 26:10

Kae kua hāfia e Iehu te mea e lea ai ki lātou, oi vāgana atu ai ki ei, “He ā te fakalavelave ai koutou ki te fafine tēnei? Ko he mea e gali ma manaia te kua fai e ia mo au.

Mataio 26:18

Kua lea atu ia Iehu ki a te ki lātou, “Olo ki he tamāloa i te kakai ma lea vē ki ei: ‘Lea mai te Faiakoga, Ko toku taimi kua pa mai; ko oku hoko ma au ka oatu mo te Kaiga Fakamanatu o te Pāheka i tō fale.’ ”

Mataio 9:18

Ka koi tautala atu ia Iehu i te mea tēnei, kae hau ki ei he takitaki Iutaia, kua tōtuli ki lalo i ona mua ma lea vē atu ki ei, “Ko toku afafine fātoā oti atu lava; kae hau ko oi fakaeke ō lima ki ona luga, kae ke toe ola.”

Maleko 10:17

Kua toe fakaauau te malaga a Iehu, kae vili mai he tamāloa oi tōtuli i mua o ia kae fehili vē atu ki ei, “Te Faiakoga lelei, he ā nei te tatau ke kō faia kae ke maua ai e au te ola e fakavavau?”

Maleko 5:22

Kua pa atu ki kinā ia Iāilo, ko hētahi o takitaki o te hūnako ma i te ia kitea atuga o Iehu, oi fakapakū ai ki tafa o ona vae,

Luka 8:49

Ka koi tautala vēnei atu ia Iehu, kae pa mai he faifekau mai te fale o Iāilo, kua lea vē atu ki a Iāilo, “Ko tō afafine kua oti; nahe toe fakalavelave tauanoa la ki te Faiakoga.”

Ioane 11:21

Kua lea atu ia Mafa ki a Iehu, “Te Aliki, anei ake koe nae i kinei, ko toku tuagane e hēki oti!

Ioane 11:25

Kua vāgana atu ia Iehu, “Ko au ko te toetū ma te ola. Ko nā tino e talitonu mai ki a te au ka ola, e ui lava e oti;

Ioane 11:28

Kua uma te lea vēnā o Mafa, oi toe liliu ai ki tona uho ko Malia, ma lea mālie atu ki ei, “Ko te Faiakoga kua i kinei, ma e fia kikila ki a te koe.”

Ioane 11:32

Kua pa atu ia Malia ki te mea e i ei ia Iehu, ma i te ia kitea atuga o Iehu, oi fakapakū ai ki lalo ki tafa o ona vae ma lea vē atu, “Te Aliki, anei ake koe nae i kinei, ko toku tuagane e hēki oti.”

Ioane 11:39

Kua lea atu ia Iehu ki nā tino, “Kave kehe te fatu!” Kae kua tali mai ia Mafa, te tuafafine o te tamāloa kua oti, “Te Aliki, kua kātoa nei te fa o aho talu te tanu, ma kua manogi kino.”

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.