Maleko 5:34 - Tokelauan New Testament

³⁴ Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Maleko 5:34 ပူးပေါင်းရင်းမြစ်များ

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Maleko 10:52

Oi vāgana atu ai ia Iehu ki ei, “Hau la fano, ko tō fakatuatua kua mālōlō ai koe.” Ko te taimi lava tēnā na mafai ai ke kitea e ona mata, oi mulimuli ai ki a Iehu i te auala.

Maleko 3:10

E tokalahi nā tino na ia fakamālōlōa, ko te mea foki ia na fakatau tūfēke ai nā tino tauale uma, kae ke mafai oi paki atu o lātou lima ki a te ia.

Maleko 5:29

Kua paki atu te fafine ki te kofu loloa o Iehu, ma ko te taimi foki lava tēnā na uma ai te punatoto; kua ia lagona foki ki ona tino, ko ia kua mālōlō i tona tauale.

Maleko 5:33

Na hāfia e te fafine te mea kua tupu ki a te ia, oi hau ai, e tete i tona mataku, kua tōtuli i tafa o nā vae o Iehu ma taku kātoa ki ei te meamoni.

Luka 17:19

Oi lea atu ai ia Iehu ki te tino tēnei, “Tū la ki luga oi fano; ko tō fakatuatua kua mālōlō ai koe.”

Luka 18:42

Kua vāgana atu ia Iehu ki ei, “Pupula la! Ko tō fakatuatua kua mālōlō ai koe.”

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Luka 8:48

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū.”

Gāluega 14:9

Nae nofo i kinā ma fakalogologo ki nā kupu e tautala ai ia Paulo. Kua kitea atu e Paulo ko te tamāloa kua talitonu ma e mafai ke fakamālōlōgia, oi na kikila hako atu ai ki ei,

Gāluega 15:33

Kua mataloa mālie ho lā taimi i kinā, oi toe uga ai ma te fīlēmū e te kau uho, ma na toe fōki ai ki nā tino na ki lātou ugāgia ki lāua.

Gāluega 16:36

Oi lea vē atu ai te leoleo falepuipui ki a Paulo, “Kua kaumai te fakatonuga a nā fakamahino ke tatala koulua ma Hila ke olo. Ōmai la keina olo i te fīlēmū.”

Iakopo 2:16

ma e lea vē atu he tino o koutou ki ei, “Ke fakamanuia te Atua ki a te koe. Fakamāfanafana lelei ma ke lava tau mea e kai,” kae hē fōkia ki ei nā mea e manakomia e ia ke ola ai, he ā nei te aogā?