Maleko 5:18 - Tokelauan New Testament

¹⁸ Ka koi tau hopo ake ia Iehu ki te vaka, ka kua fakatagi mai ki ei te tamāloa nae ulufia e nā tēmoni, “Fanatu ko au i tau kau?”

Maleko 5:18 ပူးပေါင်းရင်းမြစ်များ

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Maleko 5:15

ma i te tau atuga o ki lātou ki a Iehu, na ki lātou kitea ai te tamāloa nae māhani oi ulufia e te tokalahi o tēmoni. E nofo mai kua fai ona kofu ma kua lelei tona māfaufau; oi na mātataku uma ai ki lātou.

Maleko 5:16

Ko nā tino na ki lātou kiteagia kua fakamatala e ki lātou ki nā tino na ōmamai, te mea na tupu ki te tamāloa nae ulufia e nā tēmoni, ma te mea na pa ki ei nā puaka.

Maleko 5:17

Oi na lea ai loa ki lātou ki a Iehu, ke fano kehe mai to lātou fenua.

Maleko 5:7

kae kalaga leo lahi lele, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ki a te koe i te igoa o te Atua, nahe kē fakahāuā mai ko ki a te au!”