Maleko 5:15 - Tokelauan New Testament

¹⁵ ma i te tau atuga o ki lātou ki a Iehu, na ki lātou kitea ai te tamāloa nae māhani oi ulufia e te tokalahi o tēmoni. E nofo mai kua fai ona kofu ma kua lelei tona māfaufau; oi na mātataku uma ai ki lātou.

Maleko 5:15 ပူးပေါင်းရင်းမြစ်များ

Mataio 12:29

“E hē mafai he tino ke fano ki loto o te fale o he tagata mākeke ke kaihohoa ana mea; heiloga e mua noanoa e ia te tagata mākeke, oi fātoā ia mafaia ai oi kaihohoa nā mea uma i tona fale.

Mataio 26:53

E vēake koe e hē kō mafaia oi kalaga ki toku Tamana ki he fehoahoani, ma uga vave mai ai e ia ni lēkeona agelu e hili atu i te hefululua?

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Mataio 9:33

Ma na uma loa lava te tuli o te tēmoni ki fafo, oi kāmata loa oi tautala te gūgū, ma na ofo lele ai nā tino uma ma vē ake te lātou kupu, “E hēki ki mātou kitea lele he mea vēnei ke tupu i Ihalaelu!”

Maleko 5:14

Ko nā tino nae kikilagia nā puaka, kua fētutuli ma fakailoa ki te kakai ma te kogāfenua kātoa te mea tēnei. Oi holo mai ai nā tino oi kikila ki te mea na tupu,

Maleko 5:16

Ko nā tino na ki lātou kiteagia kua fakamatala e ki lātou ki nā tino na ōmamai, te mea na tupu ki te tamāloa nae ulufia e nā tēmoni, ma te mea na pa ki ei nā puaka.

Maleko 5:18

Ka koi tau hopo ake ia Iehu ki te vaka, ka kua fakatagi mai ki ei te tamāloa nae ulufia e nā tēmoni, “Fanatu ko au i tau kau?”

Maleko 5:4

e lahi nā taimi e noanoa ai nā vae ma nā lima, kae e ia tamotua lava nā filifili ma taihi nā loka ukamea i ona vae. E hēai lele he tino e ia mafaia oi tāofiofi te tamāloa tēnei ona e mākeke lahi.

Maleko 5:9

Kua fehili atu ia Iehu ki te tamāloa, “Ko ai tō igoa?” Kua tali mai ia, “Ko toku igoa ko ‘Lēkeona’ — e tokalahi ki mātou!”

Luka 10:39

E i ei te taina o Mafa e igoa ki a Malia, kua nofo ki lalo i tafa o nā vae o te Aliki ma fakalogologo ki ana akoakoga.

Luka 8:27

E tū ake ia Iehu ki gāuta, kae fakafetaui atu ki ei he tamāloa e hau i te kakai, e ulufia e nā tēmoni. Kua lahi lele nā aho e eva vē ai e hēai ni ona kie, ma kua hē nofo i he fale, kae kua nofo lava i nā tugamau.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,

2 Timoteo 1:7

Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.