Maleko 4:36 - Tokelauan New Testament

³⁶ Oi olo kehe ai loa ki lātou mai te mea e i ei ia tagata; kua hohopo te kau hoko ki luga o te vaka ei luga ai ia Iehu, oi olo fakatahi ai. Nae i ei foki iētahi vaka nae olo fakatahi ki lātou.

Maleko 4:36 ပူးပေါင်းရင်းမြစ်များ

Mataio 8:23

Kua hopo ia Iehu ki luga o he vaka, oi olo ai ma nā hoko o ia.

Maleko 3:9

Ona ko te tokalahi o te kaifenua, na lea ai ia Iehu ki ona hoko ke hāuni he vaka nā ia ia e komatia i tagata.

Maleko 4:1

Kua toe kāmata foki oi akoako atu e Iehu ia tagata i tafa o te Vaitūloto ko Kalilaia. Ona ko te tokalahi o te kaifenua kua fakapotopoto fakatāmilo mai ki ona tafa, na hopo ai ki he vaka ma nofo mai ai i luga i te tai, ka ko te kaifenua kua laulaututū ifo i te matāfaga.

Maleko 4:37

Nā lava e teki he matagi mālohi kua kikini, oi kua kāmata oi hopokia te vaka, ma agai atu ai lava ka tumu i te vai.

Maleko 5:2

Ko te taimi lava na tū ake ai ia Iehu mai te vaka, kae fakafetaui atu ki ei he tamāloa e ulufia e he agaga kino; na hau i nā tugamau i te fenuatanu i kinā.

Maleko 5:21

Kua toe foki ia Iehu i te vaka ki tētahi itū o te vaitūloto. E tokalahi nā tino na ōmamai oi hiko fakatakamilo ia Iehu i kinā i te matāfaga.

Maleko 6:32

Oi olo ai i he vaka nā ko ki lātou, ki he kogāfenua e tū fua.

Luka 8:22

I tētahi aho na hopo ai ia Iehu ki luga o he vaka fakatahi ma ona hoko, oi lea vē atu ai ki ei, “Tātou olo ki tētahi itū o te vaitūloto.” Oi kāmata ai kua fano to lātou vaka.