Maleko 4:32 - Tokelauan New Testament

³² kae kāfai e totō ma ola ake, e kavea ia ma lākau e pito hili atu ona lahi i lo nā lākau fatoaga uma. Ka tutupu ake ona lālā lalahi, ma ōmamai ai nā manulele oi fai o lātou ōfaga i tona malu.”

Maleko 4:32 ပူးပေါင်းရင်းမြစ်များ

Mataio 13:32

Ko te fatu ia e pito hili ona taigole i lo fatu lākau uma, kae kāfai e ola ake, e kavea ma lākau e pito hili atu ona lahi i lo nā lākau fatoaga uma; ma e ōmai nā manulele oi fai o lātou ōfaga i ona lālā.”

Maleko 4:31

E fakatuha ki he fatu hīnapi na totō e he tino ki te kelekele. Ko te fatu ia e pito hili ona taigole i lo fatu lākau uma;

Maleko 4:33

Na fakaaogā te lahi o nā talafakatuha vēnei e Iehu, i te tālaki atuga o tana fekau ki tagata; ko te lahi o nā mea nae lea ai ia Iehu nae fua lava ki te mea na mafai ke mālamalama ai ki lātou.