Maleko 4:22 - Tokelauan New Testament

²² E hēai he mea e mumuni ka hē toe fakaalia; e hēai foki he mea e tatao ka hē toe kitea.

Maleko 4:22 ပူးပေါင်းရင်းမြစ်များ

Luka 8:17

“Auā e hēai he mea e mumuni e hē fakaalia. E hēai foki he mealilo e hē fakailoagia, ma kaumai ki te mea mālama.

Gāluega 20:27

Auā e hēki fakanofonofo lele au i te fakailoa atuga ki a te koutou, nā mea uma kua fuafua e te Atua ke fakataunuku.

Gāluega 4:20

Auā e hē kimā mafaia oi hē tautatala e uiga ki nā mea kua kikila ma fakalogo ki māua ki ei.”

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.