Maleko 4:15 - Tokelauan New Testament

¹⁵ Ko iētahi tino e fakatuha ki nā fatu haito na lūlū ki luga o te auala; ko te taimi lava e ki lātou lagona ai te fekau, oi hau ai ia Hātani oi toe kave kehe.

Maleko 4:15 ပူးပေါင်းရင်းမြစ်များ

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 22:5

Kae e hēai he tino valakaulia e fakalogo ki ei, ka kua fai lava a lātou fekau māhani: kua fano tētahi ki tona fatoaga, ko tētahi ki te fale e fakatau ai ana koloa,

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Maleko 4:14

Ko te mea a te lūlūhaito e lūlū, ko te fekau e uiga ki te mālō o te Atua.

Maleko 4:16

Ko iētahi tino e fakatuha ki nā fatu haito na pakukū ki luga o te kelekele fatufatua. Ko te taimi lava e ki lātou lagona ai te fekau, oi talitonu loa ki ei ma te fiafia.

Maleko 4:4

I te lūlūga e ia o nā fatu haito, na pakukū ai iētahi fatu haito ki luga o te auala, oi ōmai ai nā manulele oi kai.

Luka 8:12

Ko nā fatu haito na lūlū ki luga o te auala, e fakatuha ki nā tino e ki lātou lagona te fekau; kae e hau te Tiāpolo oi kave kehe te fekau mai o lātou loto, kae ke hē talitonu ai ki lātou ma hē fakaolagia ai.

Gāluega 17:32

I te ki lātou lagona atuga o Paulo e tautala e uiga ki te toetū mai te oti, oi fakatauemu ai iētahi tino ki ei, kae ko iētahi tino kua lea vē, “Ko ki mātou e fia toe fakalogo ke tautala mai koe i te mea tēnā.”

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

2 Kolinito 2:11

kae ke nahe mafai ai ia Hātani ke manumālō ia te ki tātou; auā kua ki tātou iloa lelei ana fuafuaga.

2 Tehalonia 2:9

Ka hau te Tino Kino ma te mālohi o Hātani ma fakatino e ia ia itūkāigā mālohiaga, fakailoga ma nā mea ofoofogia pepelo kehekehe,

Epelu 12:16

Nahe i ei lele he tino e fai āmio mātagā pe hē fakaaloalo ki nā mea e paia e vē ko Ehau, tē na fakafehuiaki e ia tona tofi ko ia ko te ulumatua, mo he meakai e fokotahi.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.

Fakaaliga 20:7

Kāfai e uma te afe tauhaga, oi ka tatala loa lava ia Hātani mai tona falepuipui,