Maleko 4:10 - Tokelauan New Testament

¹⁰ E nofo tautahi ia Iehu, kae ōmamai ki ei ni tino nae i ei i te faiga o ana akoakoga fakatahi ma ona hoko e toka hefululua, kua fehili ki ei ke fakamatala ake te uiga o nā talafakatuha.

Maleko 4:10 ပူးပေါင်းရင်းမြစ်များ

Mataio 13:3

Na fakaaogā e ia nā talafakatuha ke fakailoa ai ki tagata te lahi o nā mea; kua lea vē atu, “Nae i ei he tino na fano oi lūlū ni fatu haito i tona fatoaga.

Mataio 13:36

Kua tukua e Iehu te kaifenua ka kua fano ki loto o te fale. Oi ōmai ai ona hoko kua lea vē atu ki ei, “Fakamatala mai ake ki a te ki mātou te uiga o te talafakatuha o nā vao kino i te fatoaga.”

Maleko 4:11

Kua tali atu ia Iehu ki a te ki lātou, “Kua uma te fakailoa atu ki a te koutou te mealilo e uiga ki te Mālō o te Atua, kae ko iētahi tino, e iloa oioti e ki lātou nā mea uma e ala i nā talafakatuha

Maleko 4:34

Nae hē mafai ia Iehu ke akoako atu ki tagata e aunoa ma te ia fakaaogāgia o nā talafakatuha, kae kāfai ko ia oioti ma ona hoko, oi fātoā fakamālamalama ai e ia nā mea uma lele ki ei.

Maleko 4:9

Kua fakauma ia akoakoga a Iehu oi lea vē atu ai, “Kāfai e i ei ni outou taliga, fakalogo mai la!”

Maleko 7:17

Kua tukua e Iehu te kaifenua kae ulu atu ki loto o te fale, oi fehili atu ai ona hoko ki ei ke fakamālamalama ake ki a te ki lātou te talafakatuha tēnei.