Maleko 3:35 - Tokelauan New Testament

³⁵ Ko ai lava e faia te finagalo o te Atua, ko toku uho tēnā, ko toku tuafafine tēnā, ma toku mātua tēnā.”

Maleko 3:35 ပူးပေါင်းရင်းမြစ်များ

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Efeho 6:6

Nahe koutou faia oioti kāfai e kikila atu, kae ke fiafia atu ai ki a te koutou; kae fai ma te loto kātoatoa, koutou nā pologa a Keliho, te mea e finagalo ki ei te Atua.

Epelu 10:36

E tatau koutou ke onohai, kae ke fai ai e koutou te finagalo o te Atua, ma maua ai e koutou nā mea kua uma te folafola e ia.

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.

1 Ioane 2:17

Ko te lalolagi ma nā mea uma e nanau ki ei te tagata, e fano e mou kehe atu; kae ko te tino e ia faia te finagalo o te Atua, e ola pea lava ke pa ki te fakavavau.