Maleko 2:25 - Tokelauan New Testament

²⁵ Oi tali vē atu ai ia Iehu ki a te ki lātou, “E hēki faitau lele nei koutou ki te mea a Tavita na fai, i te fia mauaga e ia o he fehoahoani ma fia kaia, ko ia ma ki lātou nae fakatahi ma ia:

Maleko 2:25 ပူးပေါင်းရင်းမြစ်များ

Mataio 19:4

Kua tali atu ia Iehu, “Ko koutou nei e hēki faitau ki te tuhituhiga paia e lea mai, na fai e te Atua i te kāmataga nā tino, he tamāloa ma he fafine.

Mataio 21:16

Oi lea vē atu ai ki lātou ki a Iehu, “E kē lagona atu nā mea e lea ai nā tino?” Kua tali mai ia Iehu, “E kō lagona. Kae e hēki faitau lele nei koutou ki te tuhituhiga paia e vē mai? ‘Kua kē faia nā vīkiga e kātoatoa te lelei, e ala i nā gutu o tamaiti ma pepe.’ ”

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Mataio 22:31

Kae vē la ki nā tino oti e toe fakatutū; e hēki faitau lele nei koutou ki te mea na lea atu ai te Atua ki a te koutou? Na lea te Atua,

Mataio 4:2

E fagafulu ia ao ma pō nae fakalāina ai ia Iehu, oi na lagona ai e ia te fia kaia.

Maleko 12:20

Nae i ei he kau uho tama e toka fitu; na fakaipoipo te uho matua kae na oti kae hēki i ei hana fānau.

Maleko 12:26

Kae vē la ki nā tino oti e toe fakatutū: e hēki faitau lele nei koutou ki te Tuhi a Mohe e takua ai te lākau tālatala na mumū? E tūhia i kinā ko te Atua na vāgana vēnei ki a Mohe, ‘Ko au ko te Atua o Apelaamo, te Atua o Ihaako, ma te Atua o Iakopo.’

Maleko 2:24

Oi lea atu ai nā Falehaio ki a Iehu, “Kikila, he ā te fai ai e ki lātou te mea e fakahā i te Tūlāfono, ke fai i te Hāpati!”

Maleko 2:26

i te fanoga ki loto o te fale o te Atua, i nā aho o Apiata te Ulu Ohitāulaga, ma kai nā falaoa kua uma te fakapaia mo te Atua? E hē fakataga i te Tūlāfono ke kai ki ei he tino vaganā nā ohitāulaga, ma na ia fōkia foki ki nā tino nae i ei ma ia.”

Luka 10:26

Kua tali mai ia Iehu, “E vēhea mai la nā Tuhituhiga Paia? E vēhea tau faitau ki ei?”