Maleko 2:18 - Tokelauan New Testament

¹⁸ I tētahi aho nae fakalāina ai nā hoko o Ioane ma nā hoko o te kau Falehaio. Oi ōmamai ai nā tino kua lea vē atu ki a Iehu, “He ā te fakalāina ai nā hoko o Ioane te Papatiho, ma nā hoko o te kau Falehaio, kae ko nā hoko o koe e hē fakalāina?”

Maleko 2:18 ပူးပေါင်းရင်းမြစ်များ

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 6:18

kae ke nahe iloa e nā tino ko koe e fakalāina — nā ko tō Tamana oioti, e hē kitea e he tino, te ka ia iloa. Ko te koutou Tamana e ia kitea au mea e fai munimuni, ma ka fōki atu e ia tō taui.

Maleko 2:19

Kua tali mai ia Iehu ki a te ki lātou, “E mafai te kau valakaulia i he fakaipoipoga ke fakalāina ka koi fakatahi ki lātou ma te tama fakaipoipo? Kāfai te tama fakaipoipo e fakatahi pea lava ma ki lātou, e hē ki lātou faia he mea vēnā.

Luka 18:12

E lua ia aho o te vaiaho e fakalāina ai au, ma e kavatu e au mo koe te tahi vaehefulu o aku tupe uma e maua.’

Loma 10:3

Ko hēki ki lātou iloa te auala e fakalelei ai e te Atua te va o tagata ma ia, ka kua taumafai lava ki lātou ke fai a lātou lava faiga māhani; ma kua hē ki lātou tukuatua ai ki lātou ki te faiga a te Atua e fakalelei ai te va o tagata ma ia.