Maleko 2:13 - Tokelauan New Testament

¹³ Kua toe fano ia Iehu ki te matāfaga o te Vaitūloto ko Kalilaia. E tokalahi nā tino na ōmamai ki a te ia, oi akoako atu ai e ia ki lātou.

Maleko 2:13 ပူးပေါင်းရင်းမြစ်များ

Mataio 13:1

Ko te aho lava tēnā na fano kehe ai ia Iehu mai te fale, kua fano ki te matāfaga o te vaitūloto, kua nofo ki lalo ma akoako atu ki tagata.

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Maleko 1:45

Kae kua fano te tino kua kāmata tālaki valevale te tala. Ko te mea ia na hē mafai ai ia Iehu ke fano ki he kakai, ka kua fano oi nofo i nā mea e hēai ai ni tino. Kae e hēki uma ai te holo mai o tagata ki a te ia, mai nā pito fenua kehekehe.

Maleko 10:1

Oi fano kehe ai ia Iehu i te kogāfenua tēnā, kua fano agai ki te itūmālō o Iutea, oi aha ai ki tētahi itū o te vaitafe ko Iolitana. E tokalahi foki he kaifenua kua toe lolofi atu ki ei, oi akoako atu ai ki lātou e ia, e vē lava ko tana māhani.

Maleko 2:2

Oi ōmamai ai nā tino e tokalahi ki ei, ma kua hē ofi i loto o te fale, ke pa lava ki fafo o te faitotoka. E folafola atu e Iehu te Tala Lelei ki a te ki lātou,

Maleko 4:1

Kua toe kāmata foki oi akoako atu e Iehu ia tagata i tafa o te Vaitūloto ko Kalilaia. Ona ko te tokalahi o te kaifenua kua fakapotopoto fakatāmilo mai ki ona tafa, na hopo ai ki he vaka ma nofo mai ai i luga i te tai, ka ko te kaifenua kua laulaututū ifo i te matāfaga.

Luka 19:48

kae e hēki ki lātou maua he avanoa ona ko tagata uma lele nae fia fakalogologo pea lava ki a Iehu ma hē fofou ke mihi e ki lātou he kupu e fokotahi e tautala ai.

Luka 21:38

Ma i nā taeaopō o nā aho takitahi, ko tagata uma nae olo ki te Mālumalu, oi fakalogologo ki a te ia.