Maleko 16:15 - Tokelauan New Testament

¹⁵ Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Maleko 16:15 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Maleko 13:10

Auā ko te Tala Lelei e tatau ke mua tālaki ki mālō uma, ka ko hēki pa mai te ikuga o te lalolagi.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Gāluega 1:2

ke pa lava ki te aho na hikitia ake ai ki te lagi. Ka ko hēki hikitia la, kae fai tana fakatonuga e ala i te mana o te Agaga Paia ki nā taulelea na ia filifilia, ke fai ma ana apohitolo.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Loma 10:18

Kae ko au la e fehili: E moni nei ko hēki fakalogo ki lātou ki te fekau? Ko te meamoni, kua lagona e ki lātou — auā e lea mai te tuhituhiga paia: “Ko o lātou leo kua halalau ki te lalolagi kātoa; ko a lātou kupu kua pa ki nā pito uma o te lalolagi.”

Loma 16:26

Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

Efeho 2:17

Ko Keliho la na hau ma na ia tālakia te Tala Lelei o te fīlēmū ki tagata uma — ki a te koutou tagata nukukehe nae mamao ma te Atua, ma ki tagata Iutaia nae pili ki a te ia.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

Fakaaliga 14:6

Oi kō kitea atu ai hētahi agelu e lele maualuga ake i te vānimonimo ma he fekau e uiga ki he Tala Lelei e tūmau pea ke pa ki te fakavavau, ke folafola ki tagata uma o te lalolagi, ki lanu uma, ki nuku uma, ki gagana uma ma mālō uma.