Maleko 16:14 - Tokelauan New Testament

¹⁴ Mulimuli ake oi fakakitea ai ia Iehu ki nā hoko e toka hefulutahi ka koi fai te lātou katiga. Oi munaia ai e ia ki lātou ona ko to lātou hē fakatuatua ma te loto makaka, kua hē talitonu ai ki nā tino na ki lātou kiteagia ia talu tona toe tū mai i te oti.

Maleko 16:14 ပူးပေါင်းရင်းမြစ်များ

Mataio 11:20

Ko nā tino i nā kakai nae fai ai te lahiga o nā vāvega a Iehu, e hēki liliu kehe mai a lātou agahala, oi tautala mālohi ai ki ei ia Iehu ona ko to lātou hē halamō.

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Mataio 28:17

I te ki lātou kiteaga o Iehu, oi ifo atu ai ki lātou ki ei, e ui lava nae i ei nā tino o ki lātou nae māhalohalo.

Maleko 7:18

Ka kua vāgana atu ia Iehu ki ei, “Kua tutuha lava te koutou hē mālamalama ma iētahi tino. E hē koutou iloa e hēai he mea e fano ki loto o he tino kui atu i te gutu, e hē mamā tauanoa ai i te tūlāfono,

Luka 24:11

Kae i te manatu o te kau apohitolo, ko te mea kua lea ake ai nā fafine, ko he mea tauanoa, oi e hēki talitonu ai ki lātou ki ei.

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Ioane 20:25

Oi taku ai ki ei e iētahi o te kau hoko, kua vē atu ki ei, “Kua kitea e ki mātou te Aliki!” Kua lea atu ia Toma ki a te ki lātou, “Kāfai au e hē kikila ki nā māila o nā fao i ona lima ma tuku ki ei toku muamuālima, ma tuku toku lima ki tona itū, e hē mafai au ke talitonu.”

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

Ioane 20:27

Oi vāgana atu ai ki a Toma, “Tuku mai tō muamuālima ki eī, ma kikila ki oku lima; papae mai tō lima ki te māila i toku itū. Ia koe la nahe toe māhalohalo, kae talitonu.”

Ioane 21:1

Kua uma atu te mea iēnei, oi toe fakailoa ai ia Iehu ki ona hoko i te matāfaga o te Vaitūloto ko Tipelia. E vēnei te auala na fakailoa ai ia ki a te ki lātou.

Ioane 21:14

Ko te fakatolu tēnei o taimi kua fakailoa ai ia Iehu ki ona hoko, talu tona toetū mai te oti

Gāluega 1:3

I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.

1 Kolinito 15:5

na fakakitea ia ki a Petelu vēnā ma te kau apohitolo e toka hefululua.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.