Maleko 14:72 - Tokelauan New Testament

⁷² Ko te taimi lava tēnā na vivini fakalua ai te moa, ma na manatua ai loa e Petelu te kupu a Iehu na fai ake ki a te ia, “Ka ko hēki vivini fakalua te moa ka kua fakafiti fakatolu koe e hē kē iloa au.” Oi kāmata loa kua tagi.

Maleko 14:72 ပူးပေါင်းရင်းမြစ်များ

Mataio 26:34

Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini ia moa i te pō nei, ka kua fakafiti fakatolu koe, e hē kē iloa au.”

Maleko 14:30

Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini fakalua te moa i te pō nei ka kua fakafiti fakatolu koe, e hē kē iloa au.”

Maleko 14:68

Kae kua fakafiti ia Petelu ma vē atu tana tali, “Ko au e hē mālamalama i te mea e lea mai ai koe,” oi havali ai ki te gutu faitotoka. Ko te taimi lava tēnā, na vivini ai te moa.

Maleko 14:71

Oi lea atu ai ia Petelu, “E tautō atu au ko te mea e lea atu ai au e moni. Ke fakahalagia au e te Atua kāfai au e hē tautala i te meamoni! E hē kō iloa te tino tēnā e lea ai koutou.”

Luka 22:60

Kae kua tali atu ia Petelu, “Te taulealea, e hē kō iloa te mea tēnā e lea mai ai koe!” Ko te taimi lava tēnā, ka koi tautala ia Petelu, kae vivini te moa.

Luka 22:62

Oi fano ai ia Petelu ki fafo, kua tagi aueuē ai.

2 Kolinito 7:10

Auā ko te fakanoanoa e fakaaogā e te Atua, e maua ai te loto halamō ma takitaki ai ki te fakaolataga — e hēai la he mea e tatau ke hē fiafia tauanoa ai, i he mea vēnei. Kae ko te fakanoanoa tēia e fakaaogā e te lalolagi, e maua ai te oti.