Maleko 14:61 - Tokelauan New Testament

⁶¹ Kae ko Iehu kua hē kīkī lele pe tali atu ki ei. Oi toe fehili atu ai ki ei te Ulu Ohitāulaga, “Ko koe moni ko te Mehia, te Ataliki o te Atua Mamalu?”

Maleko 14:61 ပူးပေါင်းရင်းမြစ်များ

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Maleko 14:60

Oi tū ai ki luga te Ulu Ohitāulaga i mua o ki lātou uma, kua fehili vē atu ki a Iehu, “E hēai lele hau tali e fai? E hē kē lagona atu nā mōliga a nā tino kua fai e uiga ki a te koe?”

Maleko 15:2

Kua fehili atu ia Pilato ki a Iehu, “Ko koe moni ko te tupu o tagata Iutaia?” Kua tali mai ia Iehu, “Ko koe tēnā e lea ai.”

Ioane 1:34

Kua kō kitea,” kua lea vēnā atu ia Ioane, “ma e lea atu au ki a te koutou, ko ia tēnei ko te Ataliki o te Atua.”

Ioane 10:24

kae ōmamai nā tino Iutaia kua fakapotopoto fakatāmilo ia te ia ma fehili vē mai ki ei, “He ā te mataloa ka mumuni ai pea e koe te meamoni mai ia te ki mātou? Kāfai ko koe ko te Mehia, taku hako mai la ki a te ki mātou!”

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 19:7

Kua tali mai nā tino Iutaia, “E tuha ai ma te mātou tūlāfono, ko te tagata tēnei e tatau tāmate, auā kua fai tana fakamatalaga ko ia ko te Ataliki o te Atua.”

Ioane 19:9

Oi toe fano ai ia Pilato ki loto o tona fale, ma fehili vē atu ki a Iehu, “Ko koe e hau mai fea?” Kae e hēki tali ki ei ia Iehu.

Gāluega 8:32

Ko te vāega o te tuhituhiga paia nae faitau e te eunuka, e vēnei: “E vē he māmoe e kave ke tāmate; e vē he punuamāmoe e fakalologo i te taimi e hele ai ona fulufulu; e hēki vaivaia lele.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 6:15

Ko tona toe haele mai, ka fakatino lava i te taimi e tatau ai, e te Atua te Tupu e tokatahi e viviki ki ei ia tagata uma; ko ia ko te Tupu o tupu ma te Aliki o aliki.

1 Petelu 2:23

Na utu e tagata i nā kupu mātagā, kae e hēki tali ki ei i ni kupu mātagā; na puapuagā lahi, kae e hēki ia fakamatakua ki lātou, kae na tuku tahi lava tona fakamoemoe ki te Atua, te Fakamahino āmiotonu.